【有型同時兼顧絕對舒適｜Akira & Sons x TNBO 最新聯名系列】

 

有冇覺得膠框款式好靚好有 style，但戴唔夠兩粒鐘就已經想除？

 

今年我哋同日本手造眼鏡品牌 Akira & Sons 再次聯乘，推出咗全新賽璐珞膠框。這次以佢哋經典款 Kris 做藍本，專門針對香港人嘅頭型同臉型改咗好多地方，用賽璐珞呢種優質物料，終於整到一副又好睇又舒服、適合日常戴嘅膠框。

 

賽璐珞摸落去同睇落去都好似玉石咁，油亮又有層次。我哋特意調整咗鏡框粗幼比例，再用圓潤嘅拋光手法，讓線條變得更加柔和順滑。鏡腳長度同粗度都改過，戴落去更穩陣貼面，唔易滑落，就算戴成日都還覺得舒服。

 

呢款改良版 Kris 可以話係 Boston shape 鏡框既教科書，線條經典又優雅。顏色方面，除了大家好鍾意嘅幻彩藍玳瑁色，亦有提供黑色賽璐珞配色，兩種都好有質感。

 

另外，我哋今次亦都推出太陽眼鏡版本，除了透明色，黑色賽璐珞配上茶色鏡片更顯經典魅力。整體感覺清新又輕盈，配色穩重又不失格調。

 

除咗 Kris 之外，我哋還揀咗 Akira & Sons 最受歡迎嘅中金款 Farren，推出加大版。同樣為了更加貼合香港人頭形而優化，加大咗鏡框比例同鏡腳設計，戴落去平衡感更好，特別適合頭形比較寬或者臉圓嘅朋友。

 

呢一系列聯乘作品，一邊延續 Akira & Sons 對賽璐珞嘅堅持同細膩手工，一邊加入咗我哋對香港人配戴習慣嘅了解。

 

如果你平時一直搵唔到一副又靚又有質感，仲要戴得舒服嘅膠框，今次 Kris 同 Farren 加大版，可能真係岩你。

 

ANB-01 黑色賽璐珞搭配茶色鏡片