【你哋手頭上嘅Tart Optical眼鏡 係咪玄門正宗呢？】
Tart Optical呢一個傳奇眼鏡品牌, 可以話係眼鏡界中其中一個最多故事最多支折嘅牌子。內裏嘅故事除咗有歷史, 有唔同鍾意呢個牌子嘅名人明星之外, 仲有好多關於授權既紛爭, 呢一個於1948年出現既品牌究竟點解會引發到咁多唔同嘅事呢？當中又發生咗啲咩呢？呢段片就會同你逐一講解！
1948年品牌創辦人Julius Tart係紐約開始咗以佢姓氏命名既Tart Optical。憑着佢哋精湛嘅手工藝以及標誌性美式中世紀風格而打響名堂。喺第二次世界大戰後, 品牌透過使用新型塑膠同金屬材料進行當時創新嘅設計,迅速喺明星名人圈之中流行起來。當中要數Tart optical最為人認識嘅型號設計, 一定係佢地既標誌性型號「Arnel」。每一個時代都會有一個標誌性嘅型號, 而「Arnel」就一定係當時嘅時代最具代表性既一個設計，好似James Dean 以及 Johnny depp都非常鍾意呢一個款式。呢個看似簡單嘅鏡框, 無論係鏡嘅形狀還是係整體既粗幼度都取得相當完美嘅平衡, 無論你係邊個場合都好, 呢一款設計都可以配襯得到。而正正係呢一種平衡到呢個設計成為一個永恆歷久不衰嘅存在, 亦都影響咗好多牌子會以「Arnel」作為藍本去推出唔同嘅型號。因此Tart Optical能夠成為名留青史嘅傳奇品牌。
然而, 當創辦人julius Tart 退休之後, tart optical亦都停止運作。過咗一段時間之後, 市場上便開始不斷有唔同公司以「tart optical」呢個名義製作眼鏡, 並且重製佢哋嘅經典型號「arnel」。而呢啲所謂嘅Tart optical有來自韓國來自美國來自台灣來自日本, 市場上有好多唔同嘅人都爭相喺佢哋嘅國家註冊tart optical呢個品牌, 並且聲稱佢哋就係本來以前既tart optical。呢種亂象令到Tart optical出現咗好多唔同嘅版本, 而且佢哋所生產嘅「Arnel」標準鏡形都不一, 唔同種類嘅紛爭開始出現, 當中亦都包括好多法律嘅糾紛。因此係2014，2015年期間, 本來出現既某d Tart optical都突然間停止咗運作, 喺市場上慢慢消失。
而最終係2016年, Julius tart Optical誕生, 一個以Tart family後人正式授權, 原汁原味使用以前tart optical製作眼鏡嘅設計圖及藍本, 將真真正正以前既tart optical以日本手造工藝復刻, 成為真正秉承Tart Optical既復刻品牌！Julius tart既出現整頓咗市場上嘅亂象，而唔同嘅潮流巨頭品牌都陸續同呢個牌子做聯乘合作！
當中最廣為人知嘅必定係Neighborhood x Julius Tart Optical嘅呢一個系列！基本上呢個系列每一次出現幾乎都會瞬間完售！而今年2026年終於再次等到全新既聯乘配色, 再一次極限量到荷！想知道今次聯乘產品既詳情資訊。留言TART, 我哋會馬上將資料send俾你！